Hospital Aur Clinic Staff Ka Khana: Day Shift, Night Duty Aur Beech Ka Sab Kuch
29 September 2026
Daftar mein lunch aik waqt hota hai. Hospital mein lunch aik waqt nahi hota - ye din bhar chalta rehta hai.
OT ki list lambi ho jaye to surgeon do ghante baad uthta hai. Emergency mein rush aa jaye to nurses baari baari khate hain. Night duty wale log tab khate hain jab baqi sheher so raha hota hai. Aur admin ko mahine ke aakhir mein aik saaf invoice chahiye hoti hai, jisme har cheez likhi ho.
Hum PMAS Arid Agriculture University aur Institute of Space Technology ki canteens chalate hain aur rozana qareeban 500 lunches bhejte hain - aur isi tajurbe se ye post likhi hai: hospital aur clinic ke staff ka khana kis tarah chalta hai, aur uska kharcha kya banta hai.
Sab se pehla faisla: degh ya boxes
- Boxes (Rs. 20 per head) - jahan staff aik sath nahi baith sakta. Har box apna, jab waqt mile tab khaya ja sake. Nursing stations, OT staff aur emergency ke liye yehi theek hai.
- Degh mein serving - koi extra charge nahi - jahan proper canteen ya staff room hai aur log aik waqt par khate hain. Admin aur OPD staff ke liye aksar yehi chalta hai.
- Dono aik sath bhi hota hai: canteen ke liye degh, aur wards ke liye ginti ke boxes. Aik hi delivery, aik hi invoice.
Degh aur boxes ka poora farq is post mein likha hai.
Rates - wahi jo poore Islamabad mein hain
- Economy Rs. 250 per head - roz taza salan, roti ya chawal, chaar hafte ka rotation.
- Silver Rs. 300 per head - behtar menu, full thali option.
- Gold Rs. 350 per head - sab se behtar menu aur portion, meetha shamil.
Aur hospital ke liye sab se kaam ki baat: alag alag staff ke liye alag tier, aik hi delivery mein. Support staff Economy par, nursing Silver par, consultants Gold par - bill phir bhi aik. Apna menu khud banwana ho to custom plan mojood hai (20 log se).
Mahine ka asal hisaab
40 staff, aik shift, Silver plan + boxes
- 40 x Rs. 300 = Rs. 12,000, aur boxes 40 x Rs. 20 = Rs. 800
- Rs. 12,800 rozana - 30 din ka mahina Rs. 384,000
60 staff, Economy plan
- 60 x Rs. 250 = Rs. 15,000 rozana
- 30 din = Rs. 450,000
Hospital haftay ke saaton din chalta hai, is liye hisaab bhi 30 din ka rakha hai. Lekin bill sirf un dinon ka banta hai jin din khana gaya - koi flat monthly charge nahi.
Night duty ka khana
Ye wo hissa hai jo aksar contract se bahar reh jata hai, halankeh shikayat sab se zyada isi par hoti hai. Raat ki shift ka khana alag delivery window mein jata hai, aur usme do cheezein mayne rakhti hain: garam pohanchna aur halka hona - raat gaye bhaari khana kisi ko nahi chahiye hota.
Night shift ka poora intezam office dinner delivery wali post mein tafseel se likha hai; hospital ke liye wahi tarika chalta hai, bas timing wards ke hisaab se tay hoti hai.
Paanch cheezein jo hum pehle din tay karte hain
- Drop point kaunsa hai? Reception, cafeteria, ya ward pantry - aik jagah tay ho jati hai, phir roz wahi.
- Security clearance. Delivery karne wale ka naam aur gaari ka number pehle se admin ko de diya jata hai, taake roz gate par waqt zaya na ho.
- OT list ke hisaab se waqt. Jis din lambi list ho, us din delivery ka waqt aage peeche ho sakta hai - subah bata dein, ho jayega.
- Ginti kaun deta hai? Aik contact person subah headcount bhejta hai; usi hisaab se khana aur usi hisaab se bill.
- Invoice kis naam par? NTN invoice hospital ya clinic ke naam, aur mahine ka aik statement - procurement ke liye jo chahiye wo.
Safai, aur jo hum nahi karte
Hamari kitchen Soan Garden Markaz mein hai aur Punjab Food Authority se approved hai; company registered hai (NTN) aur ICCI ki member. Aap ke admin ya infection-control ke log kitchen dekhna chahein to aa kar dekh sakte hain - ye hamare liye normal baat hai.
Aur jo cheez hum saaf keh dete hain: hum marizon ka diet khana nahi banate. Diabetic, renal, low-sodium ya post-operative diets hospital ke apne dietitian ke tehat banti hain - hamara kaam staff ka khana hai. Agar hospital chahe to apne dietitian ki hidayat par staff menu mein tabdeeli ho sakti hai, lekin patient diets ka daawa hum nahi karte.
Kahan kahan jate hain
Islamabad mein G-6 aur G-8 ke hospital area, H-8, F-8 aur F-10 ke clinics, Blue Area ke medical centres aur Expressway ke aas paas ke ilaqe; Rawalpindi mein Satellite Town, Murree Road aur Saddar. Hamare regular routes par delivery ka koi alag charge nahi.
Aksar poochay jane wale sawal
Chhota clinic hai, sirf 12 log. Theek hai - standard plans chhoti tadaad ke liye bhi chalte hain; boxes zyada munasib rehte hain.
Weekend aur chutti? Hospital ke apne dinon ke hisaab se - saaton din bhi, aur sirf working days bhi.
Tadaad roz badalti hai. Subah headcount bhej dein; khana aur bill dono usi ke hisaab se.
Do shifts ka khana aik contract mein? Ji haan - lunch aur night duty dono, alag windows mein, aik hi mahana invoice.
Pehle chakh sakte hain? Bilkul. Free sample lunch aap ke apne staff room mein - faisla wo karein jo roz khayenge.
Apne staff ka number nikalwa lein
Staff kitna hai, shifts kaun kaun si hain aur drop point kya hoga - itna WhatsApp kar dein 0315 9093990 ya 0321 7717178 par. Hum rozana, hafte aur mahine ka hisaab likh kar bhej dete hain, aur sample lunch ki tareekh bhi tay kar lete hain.
Barri institutions ka tajurba university canteens wali post mein hai, aur mess ya cafeteria poori chalani ho to contractor wali post dekh lein.